«Ай-Ар» ЖШС — Шығыс Қазақстандағы ұн тарту саласының жетекші кәсіпорындарының бірі. Өнім ассортиментінің кеңдігі компанияның тұрақтылығы мен үздіксіз дамуын айғақтайды. Құрылған күннен бері ұн өндірісі бір рет те тоқтаған емес. Бұл жолымызда қиындық болмады дегенді білдірмейді; бұл — беделдің біз үшін ең маңызды құндылық екенін көрсетеді.
Біз инвесторлармен, серіктестермен, жеткізушілермен және қызметкерлермен өзара тиімді, жасампаздық пен өсуге бастайтын ұзақ мерзімді қарым-қатынас құрамыз.
Бүгінде «Ай-Ар» ЖШС — тәулігіне 350 тонна ұн және 15 тонна макарон өнімдерін шығаратын табысты элеваторлы-ұн тарту-макарон кешені. Кешен құрамына элеватор, диірмендер, макарон фабрикасы және өз зертханасы кіреді.
Диірмендердегі технологиялық үдерістер толық автоматтандырылған. Кәсіпорында шикізат пен дайын өнімді қабылдау, жөнелту, кептіру, өңдеу және сақтау үшін қажетті технологиялық және техникалық жабдық бар. Өз теміржол тұйығы, 50 автокөлікке арналған парк және 2000 кВт трансформаторлық қосалқы станса жұмыс істейді. Штат саны 130 адамнан асады.
Кәсіпорында қысқа кесілген макарон, жайма, кеспе және ұялы макарон өндіретін желілер бар. Ассортиментте 50-ден астам атау ұсынылған. Қаптау жабдығы өнімді 200 грамнан 10 килограмға дейін қаптауға мүмкіндік береді. Макарон өнімдері тәулігіне 10 тоннаға дейін өндіретін италиялық «Ital Past» жабдығында шығарылады.
Компания туралы презентация — қытай тілінде
Жүктеп алу
